/ЗТХС, БОАЖС-ын 2018 оны 136/А/202 дугаар тушаалаар хүчингүй болсон/

ЗАМ, ТЭЭВРИЙН САЙД,БАЙГАЛЬ ОРЧИН, НОГООН ХӨГЖЛИЙН САЙДЫН ХАМТАРСАН ТУШААЛ

ЖУРАМ БАТЛАХ ТУХАЙ

2014 оны 06 дугаар сарын 02-ны өдөр Дугаар138/А-208 Улаанбаатар хот

Усан замын тээврийн тухай хуулийн 14 дүгээр зүйлийн 14.3 дахь хэсгийг үндэслэн ТУШААХ нь:

Усан замын тээврийн тухай хуулийн 14 дүгээр зүйлийн 14.3 дахь хэсгийг үндэслэн ТУШААХ нь:

1. "Усан замын тээврийн хэрэгсэлд техникийн болон экологийн хяналтын үзлэг хийх, тоо бүртгэл хөтлөх, улсын дугаар олгох журам"-ыг 1 дүгээр, усан замын тээврийн хэрэгслийн гэрчилгээний загварыг 2 дугаар, усан замын тээврийн хэрэгслийн хувийн хэргийн загварыг 3 дугаар, усан замын тээврийн хэрэгслийн улсын дугаар, түүнийг тэмдэглэх байршил, хэмжээг 4 дүгээр, усан замын тээврийн хэрэгсэлд техникийн үзлэг хийсэн тухай актын загварыг 5 дугаар, усан замын тээврийн хэрэгслийн техникийн хяналтын хуудасны загварыг 6 дугаар хавсралтаар тус тус шинэчлэн баталсугай.

2. Энэхүү журмын хэрэгжилтэд хяналт тавьж ажиллахыг Зам, тээврийн яамны Зам, тээврийн хяналт, бүртгэлийн газар /Б.Жаргал/-т, Байгаль орчин ногоон хөгжлийн яамны Хүрээлэн буй орчин, байгалийн нөөцийн газар /Д.Энхбат/-т тус тус даалгасугай.

3. Энэхүү журам шинэчлэн батлагдсантай холбогдуулан Зам, тээвэр, аялал жуулчлалын сайд, Байгаль орчны сайдын хамтарсан 2006 оны 2 дугаар сарын 24-ний өдрийн 26/58 дугаар тушаалыг хүчингүй болсонд тооцсугай.

ЗАМ, ТЭЭВРИЙН САЙД А. ГАНСҮХ БАЙГАЛЬ ОРЧИН, НОГООН ХӨГЖЛИЙН САЙД С. ОЮУН