- Нүүр
- Засгийн газрын тогтоол
- МАЛ ЭМНЭЛЭГ, ҮРЖЛИЙН АЛБА (УҮГ)-НЫ ЭРГЭЛТИЙН ХӨРӨНГӨ БИЙ БОЛГОХ ТУХАЙ
ЗАСГИЙН ГАЗРЫН ТОГТООЛ (ЗАХИРАМЖ)
МАЛ ЭМНЭЛЭГ, ҮРЖЛИЙН АЛБА (УҮГ)-НЫ ЭРГЭЛТИЙН ХӨРӨНГӨ БИЙ БОЛГОХ ТУХАЙ
1998 оны 1 дүгээр сарын 16-ны өдөр
Улаанбаатар хот
Дугаар 6
Засгийн газрын үйл ажиллагааны хөтөлбөрт мал эмнэлэг, үржлийн албадыг бэхжүүлэх, малын эм бэлдмэлийг малчдад хүргэх сүлжээ бий болгох талаар тавьсан зорилтыг хэрэгжүүлэх зорилгоор Монгол Улсын Засгийн газраас ТОГТООХ нь:
1.Сум, дүүрэгт шинээр байгуулагдах мал эмнэлэг, үржлийн алба (УҮГ)-ны эргэлтийн хөрөнгийн эх үүсвэрийг 165,6 сая төгрөгөөр баталсугай.
2.Сангийн сайд П.Цагаан, Хөдөө аж ахуй, үйлдвэрийн сайд Л.Нямсамбуу нарт даалгах нь:
а/эргэлтийн хөрөнгийн эх үүсвэрийг Европын холбооны тусламжаар байгуулагдсан "Малын эмийн эргэлтийн сан"-гийн эм бэлдмэл, Голландын Засгийн газрын буцалтгүй тусламжаар нийлүүлэгдсэн ивомикийн нөөцөөс тус тус бүрдүүлсүгэй;
б/"Малын эмийн эргэлтийн сан бүрдүүлж, зарцуулах журам"-ыг 1998 оны 1 дүгээр сард багтаан баталж мөрдүүлсүгэй.
Монгол Улсын Ерөнхий сайд М.ЭНХСАЙХАН
Хөдөө аж ахуй,үйлдвэрийн сайд Л.НЯМСАМБУУ
Сангийн сайд П.ЦАГААН
Текст томруулах
A
A
A