ЗАСГИЙН ГАЗРЫН ТОГТООЛ

МАЛ ХУЛГАЙЛАХ ГЭМТ ХЭРЭГТЭЙ ТЭМЦЭХ ТАЛААР АВАХ ЗАРИМ АРГА ХЭМЖЭЭНИЙ ТУХАЙ

2006 оны 5 дугаар сарын 17-ны өдөр

Улаанбаатар хот

Дугаар 111

Цагдаагийн байгууллагын тухай хуулийн 5 дугаар зүйлийн 3 дахь хэсгийг үндэслэн, Засгийн газрын үйл ажиллагааны хөтөлбөрийг хэрэгжүүлэх зорилгоор Монгол Улсын Засгийн газраас ТОГТООХ нь:

1. Мал хулгайлах гэмт хэрэгтэй тэмцэх зориулалтаар орон нутгийн цагдаагийн тасаг, хэсэг, хэсгийн төлөөлөгчийн албан хэрэгцээнд автомашин 4, мотоцикл 70, хэт богино долгионы радио холбооны төхөөрөмж 210 ширхгийг худалдан авахад шаардагдах 150.0 (нэг зуун тавин) сая төгрөгийг улсын төсвийн хуваарилагдаагүй зардлаас гаргахыг Сангийн сайд Н.Баяртсайханд даалгасугай.

2. Хөрөнгийг оновчтой хуваарилан ашиглалтад хяналт тавьж ажиллан мал хулгайлах гэмт хэрэгтэй тэмцэх ажлыг эрчимжүүлэх, үр дүнтэй зохион байгуулахыг Хууль зүй, дотоод хэргийн сайд Д.Одбаярт үүрэг болгосугай.

Монгол Улсын Ерөнхий сайд М.ЭНХБОЛД

Хууль зүй, дотоод хэргийн сайд Д.ОДБАЯР