ЭКСПОРТЫН ҮЙЛДВЭРЛЭЛИЙГ ДЭМЖИХ ХӨТӨЛБӨРИЙГ БАТЛАХ ТУХАЙ /ЗГ-ын 2013-7-6-ны 239-р тогтоолоор хүчингүй болсонд тооцсон/

1998 оны 8 дугаар сарын 21-ний өдөр

Улаанбаатар хот

Дугаар 158

Засгийн газрын үйл ажиллагааны хөтөлбөрийг хэрэгжүүлэх зорилгоор Монгол Улсын Засгийн газраас ТОГТООХ нь :

1."Экспортын үйлдвэрлэлийг дэмжих хөтөлбөр"-ийг хавсралтын ёсоор баталсугай.

2."Экспортын үйлдвэрлэлийг дэмжих хөтөлбөр"-ийг хэрэгжүүлэх ажлыг удирдан зохион байгуулах, зохицуулах, хяналт тавих үүрэг бүхий Үндэсний зөвлөлийг дараахь бүрэлдэхүүнтэйгээр баталсугай. Үүнд:

Зөвлөлийн дарга -              Хөдөө аж ахуй, үйлдвэрийн сайд

Гишүүд: -                              Хөдөө аж ахуй, үйлдвэрийн яамны Төрийн нарийн бичгийн дарга;

-Дэд бүтцийн хөгжлийн яамны Төрийн нарийн бичгийн дарга;

-Сангийн яамны Төрийн нарийн бичгийн дарга;

-Байгаль орчны яамны Төрийн нарийн бичгийн дарга;

- Гэгээрлийн яамны Төрийн нарийн бичгийн дарга;

-Эрүүл мэнд, нийгмийн хамгааллын яамны

Төрийн нарийн бичгийн дарга;

-Гадаад харилцааны яамны Төрийн нарийн бичгийн дарга;

-Шинжлэх ухааны академийн эрдэмтэн нарийн бичгийн дарга.

Нарийн бичгийн дарга -Гадаад харилцааны яамны Гадаад худалдаа,

хамтын ажиллагааны газрын дарга; /Засгийн газрын 2001 оны 46 дугаар тогтоолоор 2 дахь хэсгийг хүчингүй болсонд тооцсон/

Монгол Улсын Ерөнхий сайдын үүрэг гүйцэтгэгч Ц.ЭЛБЭГДОРЖ

Хөдөө аж ахуй, үйлдвэрийн сайдын үүрэг гүйцэтгэгч Н.АЛТАНХУЯГ