Хэвлэх DOC Татаж авах
ДИПЛОМАТ АЖИЛТНЫ ТАНГАРАГ БАТЛАХ ТУХАЙ

ЕРӨНХИЙЛӨГЧИЙН ШИЙДВЭР
ДИПЛОМАТ АЖИЛТНЫ ТАНГАРАГ БАТЛАХ ТУХАЙ

1991 оны 1 дүгээр сарын 2-ны өдөр Улаанбаатар хот





Дугаар 01

БНМАУ-ын Дипломат ажилтны тангаргийг дор дурдсанаар баталсугай.
БНМАУ-ын ДИПЛОМАТ АЖИЛТНЫ ТАНГАРАГ
Бүгд Найрамдах Монгол Ард Улсын иргэн би,
Монгол улсынхаа эрх чөлөө, тусгаар тогтнол, бүрэн эрхт байдал, үндэсний эрх ашгийг ямагт дээдэлж,
Бүгд Найрамдах Монгол Ард Улсын гадаад бодлогыг хэрэгжүүлэх үйлст үнэнч шударгаар хичээн зүтгэж, дипломат ажилтны нэр төрийг эрхэмлэн, улсын нууцыг чандлан хадгалж явахаа төрийнхөө сүлдэнд сүсэглэн тангараглая.
Миний бие өргөсөн тангаргаасаа няцвал төрийн хуулийн өмнө бүхий л хариуцлагыг хүлээх болно.
БНМАУ-ын Ерөнхийлөгч П.ОЧИРБАТ