Монгол Улсын газрын тухай хуулийн 21 дүгээр зүйлийн 3.2 дугаар заалтыг орон нутаг хэрэгжүүлэх, хот төлөвлөлтийг газар зохион байгуулалттай зөв зохистой хослуулан хотын ерөнхий төлөвлөгөөний дагуу газрын эзэмшилт ашиглалтыг сайжруулах зорилгоор ЗАХИРАМЖЛАХ нь:

Нэг. Баянхонгор сумын төвийн инженерийн шугам сүлжээ бүхий газарт газар эзэмшүүлэх ашиглуулах харилцааг зохицуулах, мэргэжлийн дүгнэлт гаргах комиссыг дараах бүрэлдэхүүнтэйгээр аймгийн Засаг даргын дэргэд байгуулсугай.

Гишүүд                                                                М.Хосбаяр -Чандмань ХХК-ний дарга

                                                                             В. Алтанцэцэг –Аймгийн ерөнхий архитекторч

                                                                             Д.Болд –Холбоон газрын ерөнхий инженер

                                                                             М.Мандах –Эрчим хүчний үйлдвэрийн ерөнхий менежер

                                                                            Т.Норов –Байгаль орчин газрын харилцааны албаны мэргэжилтэн

                                                                           Ш.Хүрэлбаатар –Баянхонгор сумын газрын даамал

Хоёр.Баянхонгор сумын төвийн инженерийн шугам сүлжээ бүхий газар болон журмаар тогтоогдсон газарт газар олгох үйл ажиллагаа, комиссын мөрдөн ажиллах журмыг хавсралтаар баталсугай.

Гурав.Газрын тухай хуулийн 23 дугаар зүйлийн 3.7 дугаар заалтыг үндэслэн Баянхонгор сумын төвийн инженерийн шугам сүлжээ бүхий газрыг иргэн ба аж ахуйн нэгж байгууллагад эзэмшүүлэх, ашиглуулах асуудлаар гэрээ хийж гэрчилгээ олгох үйл ажиллагаа явуулахыг аймгийн Байгаль орчин газрын харилцааны алба /Л.Мандал/-нд даалгасугай.

Дөрөв.Журмын 5.2-т заагдсан газрыг мэргэжлийн комиссын дүгнэлт гаргуулан олгож байхыг сумдын Засаг дарга нарт даалгасугай.