КОНСУЛЫН ҮЙЛЧИЛГЭЭНИЙ ХУРААМЖИЙН ЖИШИГ ХЭМЖЭЭ ТОГТООХ ТУХАЙ

2003 оны 12 дугаар сарын 31-ний өдөр

Улаанбаатар хот

Дугаар 46/398

Төсвийн байгууллагын удирдлага, санхүүжилтийн тухай хуулийн 8.1.4 дэх заалт, Монгол Улсын Тэмдэгтийн хураамжийн хуулийн 5 ¹, 7, 8, 9 дүгээр зүйл, Монгол Улсын Консулын дүрмийн 13, 14 дүгээр зүйлийг үндэслэн ТУШААХ нь :

1. Консулын үйлчилгээний хураамжийг хуульд нийцүүлэн тогтоох зорилгоор үйлчилгээний хураамжийг гадаад валютаар хураахад мөрдөх “Консулын үйлчилгээний хураамжийн жишиг хэмжээ”-г хавсралтаар баталсугай

2.Консулын үйлчилгээний хураамжийн жишиг батлагдсантай холбогдуулан одоогийн мөрдөж буй хураамжийн хэмжээг шинэчлэн тогтоож мөрдөхийг гадаад орнуудад суугаа дипломат төлөөлөгчийн газрын тэргүүн нарт даалгасугай.

3.Энэхүү тушаалыг 2004 оны 1 дүгээр сарын 1-ээс эхлэн дагаж мөрдсүгэй.

ГАДААД ХЭРГИЙН САЙД Л.ЭРДЭНЭЧУЛУУН

САНХҮҮ, ЭДИЙН ЗАСГИЙН САЙД Ч.УЛААН