2016 оны 9 дүгээр сарын 12-ны өдрийн А/394 дүгээр тушаалаар хүчингүй болгосон.

БУЛГАН АЙМГИЙН ЗАСАГ ДАРГЫН ЗАХИРАМЖ

2010 оны 4 дүгээр сарын 27-ны өдөр Дугаар 116 Булган

ХАЛААЛТЫН УЛИРЛЫН ХУГАЦАА ТОГТООХ ТУХАЙ

Монгол Улсын "Эрчим хүчний тухай" хуулийн 7 дугаар зүйлийн 7.2 дахь заалтыг үндэслэн ЗАХИРАМЖЛАХ нь:

Нэг. Булган аймгийн төв, сум суурин газруудын 2010-2011 оны халаалтын улирлын хугацааг 2010 оны 9 дүгээр сарын 15-наас 2011 оны 5 дугаар сарын 15-ны өдөр хүртэлхи хугацаагаар тогтоосугай.

Хоёр. Халаалтын улирлын үргэлжлэх хугацаа 8 сар болсонтой холбогдуулан төсвийн төсөлдөө тусгаж ажиллахыг төр, төсвийн байгууллагуудын төсвийн Ерөнхийлөн захирагч нарт даалгасугай.

Гурав. Дулаан, ус хангамжийн "Булган-Мээж" ХХК-ийн харьяа халаалтын зуухнуудын засвар үйлчилгээг 9 дүгээр сарын 1-ний дотор дуусгаж, 9 дүгээр сарын 15-наас хэрэглэгчдийг дулааны эрчим хүчээр саадгүй хангах арга хэмжээ авахыг "Булган-Мээж" ХХК-ийн гүйцэтгэх захирал /Ч.Жаргалсайхан/-д үүрэг болгосугай.

Дөрөв. Халаалтын хугацаанд халаалтын зуухнуудын хэвийн ажиллагааг бүрэн хангуулж, ажлын явцад хяналт тавьж, зохих удирдлагаар хангаж ажиллахыг Газрын харилцаа, барилга хот байгуулалтын газар /Д.Цэрэндорж/, сумдын Засаг дарга нарт үүрэг болгосугай.

ЗАСАГ ДАРГА М.ОЮУНБАТ