- Нүүр
- Эрх зүйн акт
- Эрх зүйн акт дэлгэрэнгүй
Текст томруулах
A
A
A
ЯАМДЫН ҮЙЛ АЖИЛЛАГААНЫ СТРАТЕГИ, БҮТЦИЙН ӨӨРЧЛӨЛТИЙН ХӨТӨЛБӨРИЙГ ЗӨВШӨӨРӨХ, ЗОХИОН БАЙГУУЛАЛТЫН БҮТЭЦ БАТЛАХ ТУХАЙ
/Засгийн газрын 2012-08-29-ний 14-р тогтоолоор хүчингүй болсонд тооцсон/
2008 оны 12 дугаар сарын 24-ний өдөр
Улаанбаатар хот
Дугаар 65
Засгийн газрын тухай хуулийн 12 дугаар зүйлийн 4 дэх хэсэг, Яамны эрх зүйн байдлын тухай хуулийн 10.1-д заасныг үндэслэн Монгол Улсын Засгийн газраас ТОГТООХ нь:
1. Гадаад харилцааны яамны үйл ажиллагааны стратеги, зохион байгуулалтын бүтцийн өөрчлөлтийн хөтөлбөрийг 1 дүгээр хавсралт ёсоор, Хууль зүй, дотоод хэргийн яамны үйл ажиллагааны стратеги, зохион байгуулалтын бүтцийн өөрчлөлтийн хөтөлбөрийг 2 дугаар хавсралт ёсоор, Байгаль орчин, аялал жуулчлалын яамны үйл ажиллагааны стратеги, зохион байгуулалтын бүтцийн өөрчлөлтийн хөтөлбөрийг 3 дугаар хавсралт ёсоор, Батлан хамгаалах яамны үйл ажиллагааны стратеги, зохион байгуулалтын бүтцийн өөрчлөлтийн хөтөлбөрийг 4 дүгээр хавсралт ёсоор, Боловсрол, соёл, шинжлэх ухааны яамны үйл ажиллагааны стратеги, зохион байгуулалтын бүтцийн өөрчлөлтийн хөтөлбөрийг 5 дугаар хавсралт ёсоор, Зам, тээвэр, барилга, хот байгуулалтын яамны үйл ажиллагааны стратеги, зохион байгуулалтын бүтцийн өөрчлөлтийн хөтөлбөрийг 6 дугаар хавсралт ёсоор, Нийгмийн хамгаалал, хөдөлмөрийн яамны үйл ажиллагааны стратеги, зохион байгуулалтын бүтцийн өөрчлөлтийн хөтөлбөрийг 7 дугаар хавсралт ёсоор, Эрдэс баялаг, эрчим хүчний яамны үйл ажиллагааны стратеги, зохион байгуулалтын бүтцийн өөрчлөлтийн хөтөлбөрийг 8 дугаар хавсралт ёсоор, Эрүүл мэндийн яамны үйл ажиллагааны стратеги, зохион байгуулалтын бүтцийн өөрчлөлтийн хөтөлбөрийг 9 дүгээр хавсралт ёсоор тус тус зөвшөөрсүгэй.
2. Яамдын зохион байгуулалтын бүтцийг дор дурдсанаар баталсугай:
а) Гадаад харилцааны яам:
-Стратегийн төлөвлөлт, хяналт-шинжилгээ, үнэлгээний газар (эдийн засгийн бодлогын хэлтэстэй);
-Төрийн захиргааны удирдлагын газар (санхүү, хөрөнгө оруулалтын хэлтэс,гадаад харилцааны төв архивтай);
-Хөрш орнуудын газар;
-Азийн газар;
-Европын газар;
-Америк, Ойрхи дорнод, Африкийн газар;
-Олон улсын байгууллагын газар;
-Гадаад худалдаа, эдийн засгийн хамтын ажиллагааны газар;
-Гэрээ, эрх зүйн газар (хилийн боомтын бодлого хариуцсан тасагтай);
-Консулын газар;
-Төрийн дипломат ёслолын газар;
-Олон нийттэй харилцах газар (Энэ хэсгийг 2010-05-26-ны 126-р тогтоолоор өөрчилсөн).
б) Хууль зүй, дотоод хэргийн яам:
-Хууль зүйн бодлогын газар;
-Төрийн захиргааны удирдлагын газар;
-Бодлогын хэрэгжилтийг зохицуулах газар;
-Мэдээлэл, хяналт-шинжилгээ, үнэлгээний газар;
-Санхүү, хөрөнгө оруулалтын хэлтэс;
-Гадаад хамтын ажиллагааны хэлтэс;
-Хүний эрхийг хангах үндэсний хөтөлбөрийн хорооны ажлын алба.
в) Байгаль орчин, аялал жуулчлалын яам:
-Тогтвортой хөгжил, стратегийн төлөвлөлтийн газар (санхүү, хөрөнгө оруулалтын хэлтэс, гадаад хамтын ажиллагааны хэлтэстэй);
-Төрийн захиргааны удирдлагын газар;
-Хүрээлэн буй орчин, байгалийн нөөцийн газар (экологийн цэвэр технологи, шинжлэх ухааны хэлтэстэй);
-Тусгай хамгаалалттай нутгийн удирдлагын газар;
-Аялал жуулчлалын газар;
-Мэдээлэл, хяналт-шинжилгээ, үнэлгээний газар.
г) Батлан хамгаалах яам:
-Стратегийн удирдлага, төлөвлөлтийн газар (орон нутгийн хамгаалалт, улсын дайчилгааны хэлтэстэй);
-Төрийн захиргааны удирдлагын газар;
-Бодлогын хэрэгжилтийг зохицуулах газар (зэвсэглэл, техникийн хэлтэстэй);
-Мэдээлэл, хяналт-шинжилгээ, үнэлгээний газар;
-Гадаад хамтын ажиллагааны газар;
-Санхүү, хөрөнгө оруулалтын хэлтэс.
д) Боловсрол, соёл, шинжлэх ухааны яам:
-Ерөнхий боловсролын газар;
-Мэргэжлийн боловсролын газар;
-Соёл, урлагийн бодлогын газар;
-Шинжлэх ухаан, технологийн газар;
-Санхүү, хөрөнгө оруулалтын газар;
-Мэдээлэл, хяналт-шинжилгээ, үнэлгээний газар;
-Төрийн захиргааны удирдлагын газар;
-Гадаад хамтын ажиллагааны хэлтэс.
е) Зам, тээвэр, барилга, хот байгуулалтын яам:
-Зам, тээврийн бодлогын газар;
-Барилга, орон сууц, нийтийн аж ахуйн бодлогын газар;
-Хот байгуулалт, газрын харилцааны бодлогын газар;
-Төрийн захиргааны удирдлагын газар;
-Санхүү, хөрөнгө оруулалтын газар (гадаад хамтын ажиллагааны хэлтэстэй);
-Хяналт-шинжилгээ, үнэлгээний газар.
ж) Нийгмийн хамгаалал, хөдөлмөрийн яам:
-Стратегийн төлөвлөлтийн газар (хөдөлмөрийн бодлогын хэлтэс, хүн амын хөгжил, нийгмийн хамгааллын хэлтэстэй);
-Төрийн захиргааны удирдлагын газар;
-Бодлогын хэрэгжилтийг зохицуулах газар (санхүү, хөрөнгө оруулалтын хэлтэстэй);
-Мэдээлэл, хяналт-шинжилгээ, үнэлгээний газар;
-Эрх зүй, гадаад хамтын ажиллагааны хэлтэс.
з) Эрдэс баялаг, эрчим хүчний яам:
-Геологийн бодлогын газар;
-Уул уурхай, хүнд үйлдвэрийн бодлогын газар;
-Түлшний бодлогын газар;
-Эрчим хүчний бодлогын газар;
-Төрийн захиргааны удирдлагын газар (хуулийн хэлтэстэй);
-Санхүү, хөрөнгө оруулалтын газар (гадаад хамтын ажиллагааны хэлтэстэй);
-Хяналт-шинжилгээ, үнэлгээний газар.
и) Эрүүл мэндийн яам:
-Стратегийн бодлого, төлөвлөлтийн газар;
-Төрийн захиргааны удирдлагын газар;
-Нийгмийн эрүүл мэндийн бодлогын хэрэгжилтийг зохицуулах газар;
-Эмнэлгийн тусламжийн бодлогын хэрэгжилтийг зохицуулах газар;
-Санхүү, хөрөнгө оруулалтын газар;
-Мэдээлэл, хяналт-шинжилгээ, үнэлгээний газар;
-Эм, эмнэлгийн хэрэгслийн хэлтэс;
-Гадаад хамтын ажиллагааны хэлтэс.
3. Яамдын орон тооны хязгаарыг дор дурдсанаар тогтоосугай:
Яам | Орон тооны хязгаар |
Гадаад харилцааны яам | 148 |
Хууль зүй, дотоод хэргийн яам | 74 |
Байгаль орчин, аялал жуулчлалын яам | 58 |
Батлан хамгаалах яам | 54 |
Боловсрол, соёл, шинжлэх ухааны яам | 74 |
Зам, тээвэр, барилга, хот байгуулалтын яам | 70 |
Нийгмийн хамгаалал, хөдөлмөрийн яам | 65 |
Эрдэс баялаг, эрчим хүчний яам | 79 |
Эрүүл мэндийн яам | 64 |
(3-р зүйлийн НХХЯ-ны орон тоонд 2010-12-29-ний 347-р тогтоолоор 65 гэж, ГХЯ-ны орон тоонд 2012-05-02-ны 143-р тогтоолоор 148 гэж тус тус өөрчлөлт орсон)
4. Яамдын бүтцийг шинэчлэн баталсантай холбогдуулан “Яам, тусгай газрын нийтлэг дүрэм, тэдгээрийн үйл ажиллагааны үндсэн чиглэлийн тухай” Засгийн газрын 1994 оны 6 дугаар сарын 16-ны өдрийн 111 дүгээр тогтоол, “Гадаад хэргийн яамны үйл ажиллагааны стратеги, бүтцийн өөрчлөлтийн хөтөлбөрийг зөвшөөрч, зохион байгуулалтын бүтцийг батлах тухай” Засгийн газрын 2004 оны 12 дугаар сарын 29-ний өдрийн 248 дугаар тогтоол, “Зарим яамдын үйл ажиллагааны стратеги, бүтцийн өөрчлөлтийн хөтөлбөр зөвшөөрөх, зохион байгуулалтын бүтэц батлах тухай” Засгийн газрын 2006 оны 3 дугаар сарын 1-ний өдрийн 27 дугаар тогтоол, “Зарим яамдын үйл ажиллагааны стратеги, бүтцийн өөрчлөлтийн хөтөлбөр зөвшөөрөх, зохион байгуулалтын бүтэц батлах тухай” Засгийн газрын 2006 оны 3 дугаар сарын 7-ны өдрийн 36 дугаар тогтоол, “Нийгмийн хамгаалал, хөдөлмөрийн яамны үйл ажиллагааны стратеги, зохион байгуулалтын бүтцийн өөрчлөлтийн хөтөлбөрийг зөвшөөрөх, бүтэц батлах тухай” Засгийн газрын 2006 оны 3 дугаар сарын 15-ны өдрийн 43 дугаар тогтоол, “Тогтоолд нэмэлт, өөрчлөлт оруулах тухай” Засгийн газрын 2006 оны 10 дугаар сарын 25-ны өдрийн 256 дугаар тогтоол, “Түлш, эрчим хүчний яамны үйл ажиллагааны стратеги, бүтцийн өөрчлөлтийн хөтөлбөр зөвшөөрөх, зохион байгуулалтын бүтэц батлах тухай” Засгийн газрын 2007 оны 12 дугаар сарын 26-ны өдрийн 338 дугаар тогтоолыг тус тус хүчингүй болсонд тооцсугай.
Монгол Улсын Ерөнхий сайд С.БАЯР
Монгол Улсын сайд,
Засгийн газрын Хэрэг
эрхлэх газрын дарга Б.ДОЛГОР