ГАДААДЫН ИРГЭН, ХАРЬЯАТЫН ГАЗРЫН ДАРГЫН ТУШААЛ             

2023 оны 12 дугаар сарын 19-ний өдөр

Дугаар А/476

Улаанбаатар хот

ЖАГСААЛТ ШИНЭЧЛЭН БАТЛАХ ТУХАЙ

Засгийн газрын агентлагийн эрх зүйн байдлын тухай хуулийн 8 дугаар зүйлийн 8.4 дэх хэсэг, Харьяатын тухай хуулийн 22 дугаар зүйлийн 6 дахь хэсгийг тус тус үндэслэн ТУШААХ нь:

1."Монгол Улсын иргэний харьяаллын асуудлыг шийдвэрлэхэд шаардагдах баримт бичгийн жагсаалт"-ыг нэгдүгээр, "Монгол Улсын харьяат болох хүсэлт гаргагчийн мэдүүлгийн хуудас"-ыг хоёрдугаар, "Монгол Улсын иргэний харьяаллаа сэргээн тогтоолгох хүсэлт гаргагчийн мэдүүлгийн хуудас"-ыг гуравдугаар, "Монгол Улсын харьяатаас гарах хүсэлт гаргагчийн мэдүүлгийн хуудас"-ыг дөрөвдүгээр хавсралтаар тус тус шинэчлэн баталсугай.

2.Энэ тушаал батлагдсантай холбогдуулан "Жагсаалт батлах тухай" Иргэний харьяалал, шилжилт хөдөлгөөний ерөнхий газрын даргын 2014 оны А/226 дугаар тушаалыг хүчингүй болсонд тооцсугай.

3.Тушаалыг Захиргааны хэм хэмжээний актын улсын нэгдсэн санд бүртгүүлсэн өдрөөс эхлэн дагаж мөрдөх, хэрэгжүүлэх, биелэлтэд хяналт тавьж ажиллахыг Иргэний харьяаллын газар /Г.Билэгт/-т даалгасугай.

ДАРГА Н.УУГАНБАЯР