A

A

A

Бүлэг: 1979

АРХАНГАЙ АЙМАГ

ЭРДЭНЭБУЛГАН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2018 оны 12 дугаар сарын 17-ны өдөр

Дугаар 11

Эрдэнэбулган сум

ГАЗРЫН ҮНЭЛГЭЭНИЙ БҮСЧЛЭЛ, ГАЗРЫН ТӨЛБӨРИЙН ХЭМЖЭЭГ ШИНЭЧЛЭН ТОГТООХ ТУХАЙ

Монгол Улсын Засаг захиргаа, нутаг дэвсгэрийн нэгж түүний удирдлагын тухай хуулийн 18 дугаар зүйлийн 18.1.2 дахь хэсгийн "д" заалт, Газрын төлбөрийн тухай хуулийн 6 дугаар зүйлийн 6.3 дахь заалт, Монгол Улсын Засгийн газрын 2018 оны 182 дугаар тогтоолыг тус тус үндэслэн сумын иргэдийн Төлөөлөгчдийн Хурлын ээлжит аравдугаар хуралдаанаас ТОГТООХ нь:

1.Аймгийн төв /Эрдэнэбулган сум/-ийн нутаг дэвсгэрийн эдийн засгийн давуу тал, байгаль экологийн онцлог шинж чанар, Газар зохион байгуулалтын ерөнхий төлөвлөгөө, хэтийн хөгжлийг харгалзан гэр бүлийн хэрэгцээний зориулалттай газрын төлбөрийн хэмжээ, итгэлцүүр, үнэлгээний бүс, хил зааг солбицолыг нэгдүгээр, Худалдаа, бүх төрлийн үйлчилгээний зориулалттай газрын төлбөрийн хэмжээ, итгэлцүүр, үнэлгээний бүс, хил зааг солбицолыг хоёрдугаар, Хөдөө аж ахуйн үйлдвэрлэлийн зориулалттай газрын төлбөрийн хэмжээ, итгэлцүүр, үнэлгээний бүс, хил зааг солбицолыг гуравдугаар, Хөдөө аж ахуйгаас бусад үйлдвэрлэлийн зориулалттай төлбөрийн хэмжээ, итгэлцүүр, үнэлгээний бүс, хил зааг солбицолыг дөрөвдүгээр хавсралтаар тус тус баталсугай.

2.Энэхүү тогтоолыг "Захиргааны хэм хэмжээний актын эмхэтгэл"-д нийтлэгдсэний дараа дагаж мөрдсүгэй.

3.Иргэн, аж ахуйн нэгж, байгууллагын газар эзэмших, ашиглах гэрээг шинэчлэх, газрын төлбөрийг ногдуулах, орон нутгийн төсөвт төвлөрүүлэх, төлөвлөгөөний биелэлтийг хангаж ажиллахыг сумын Засаг дарга /Ж.Гурвантамир/-д даалгасугай.

ДАРГА Ш.ЭНХЖАРГАЛ

АРХАНГАЙ АЙМАГ ЭРДЭНЭБУЛГАН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2023 оны 02 дугаар сарын 13-ны өдөр

Дугаар 07

Эрдэнэбулган сум

ТОГТООЛ ХҮЧИНГҮЙ БОЛГОХ ТУХАЙ

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 48 дугаар зүйлийн 48.1 дэх заалт, аймгийн иргэдийн Төлөөлөгчдийн Хурлын 2022 оны 16 дугаар тогтоолыг тус тус үндэслэн сумын иргэдийн Төлөөлөгчдийн Хурлын ээлжит есдүгээр хуралдаанаас ТОГТООХ нь:

1.Эрдэнэбулган сумын иргэдийн Төлөөлөгчдийн Хурлын 2018 оны 11 дүгээр "Газрын үнэлгээний бүсчлэл, газрын төлбөрийн хэмжээг шинэчлэн тогтоох тухай" тогтоолыг хүчингүй болсонд тооцсугай.

2.Дээрх тогтоол хүчингүй болсонтой холбогдуулан захиргааны хэм хэмжээний актын улсын нэгдсэн сангаас хасалт хийлгэх саналыг Монгол Улсын Хууль зүй, дотоод хэргийн яаманд хүргүүлэх арга хэмжээ авч ажиллахыг сумын иргэдийн Төлөөлөгчдийн Хурлын нарийн бичгийн дарга (Б.Азхүү)-д үүрэг болгосугай.

ДАРГА Т.ГАНЗОРИГ