“ХБНГУ-ын эдийн засгийн үндсэн хуулийн болон хууль зүйн орчин, өрсөлдөөний эрх зүй” сэдэвт сургалт болно.

---

Хууль зүйн үндэсний хүрээлэнгийн урилгаар ХБНГУ-ын Европын бизнесийн сургуулийн багш, өмгөөлөгч Др. Улрих Маннсфелдт хүрэлцэн ирж, “ХБНГУ-ын эдийн засгийн Үндсэн хуулийн болон хууль зүйн орчин, өрсөлдөөний эрх зүй” сэдвээр хуульчид, судлаачдад зориулан 2014 оны 9 дүгээр сарын 17-18-ны өдрүүдэд 1 багц цагийн сургалтыг Хууль зүйн үндэсний хүрээлэнгийн Хуульчдын танхимд зохион байгуулах гэж байна.

 

Сургалтын гол агуулга, зорилго нь: ХБНГУ-ын эдийн засгийн харилцааны эрх зүйн зохицуулалт, ялангуяа шударга бус өрсөлдөөний эсрэг болон өрсөлдөөнийг хязгаарласан үйл ажиллагааны эсрэг эрх зүйн зохицуулалт, сайн туршлагыг танилцуулж, Монгол Улсын адилтгах зохицуулалтуудтай харьцуулан санал солилцоход оршино.

Сургагч багш Др. Улрих Маннсфелдт нь ХБНГУ-ын нэр хүндтэй хувийн дээд сургуулийн нэг болох Европын бизнесийн сургуульд Бизнесийн эрх зүйн хичээлийг 10 гаруй жил заасан, Өмгөөлөгчөөр олон жил ажилласан эрдэм судлалын болон практикийн арвин туршлагатай эрдэмтэн юм.

2014 оны 9 дүгээр сарын 17-ны өдрийн 8:30 - 13.30 цагийн хооронд:

-ХБНГУ-ын эдийн засгийн Үндсэн хуулийн болон хууль зүйн орчин” сэдвээр 4 цаг;

2014 оны 9 дүгээр сарын 18-ны өдрийн 8:30 - 13.30 цагийн хооронд:

• “Шударга бус өрсөлдөөний эсрэг хуулийн зохицуулалт” сэдвээр 2 цаг;
• “Өрсөлдөөнийг хязгаарлахын эсрэг хуулийн зохицуулалт” сэдвээр 2 цагийн хичээлийг тус тус заана.

/1 багц цагийн сургалтын төлбөр 42.500 төгрөг/

Энэхүү сургалтад оролцох сонирхолтой хуульчид болон судлаачид 312825 дугаарын утсаар болон tsetsegdari@legalinstitute.mn хаягаар холбогдон бүртгүүлнэ үү.

Жич: Оролцогчдын тоо хязгаартай.

 

ХУУЛЬ ЗҮЙН ҮНДЭСНИЙ ХҮРЭЭЛЭН