МОНГОЛ УЛСЫН САНГИЙН САЙДЫН ТУШААЛ

2012 оны 12 дугаар сарын 28-ны өдөр

Дугаар 294

Улаанбаатар хот

ЖУРАМ БАТЛАХ ТУХАЙ /Төсвийн ерөнхий, ахлах нягтлан бодогчид тавигдах шаардлага, шалгуур журам/

Монгол Улсын Төсвийн тухай хуулийн 11 дүгээр зүйлийн 11.1.2 дахь заалт, 19 дүгээр зүйлийг үндэслэн ТУШААХ нь:

Нэг. "Төсвийн ерөнхий, ахлах нягтлан бодогчид тавигдах шаардлага, шалгуур журам"-ыг хавсралт ёсоор баталсугай.

Хоёр. Энэ журмын хэрэгжилтэд хяналт тавьж ажиллахыг Төрийн сангийн газар /Х.Пүрэвсүрэн/, аймаг, нийслэлийн төсвийн ерөнхийлөн захирагч болон санхүү, төрийн сангийн хэлтсийн дарга нарт үүрэг болгосугай.

Гурав. Энэхүү тушаалыг 2013 оны 1 дүгээр сарын 01-ний өдрөөс эхлэн мөрдсүгэй.

САЙД Ч.УЛААН