A

A

A

Бүлэг: 1979

ӨМНӨГОВЬ АЙМГИЙН ЗАСАГ ДАРГЫН ЗАХИРАМЖ

2017 оны 2 дугаар сарын 17-ны өдөр

Дугаар а/137

Зам ашигласны төлбөрийн хэмжээг бууруулж батлах тухай

Монгол Улсын Авто замын тухай хуулийн 6 дугаар зүйлийн 6.1.4 дэх заалт, 21 дүгээр зүйлийн 21.1 дэх хэсэг, Засгийн газрын 2016 оны 103 дугаар тогтоолыг тус тус үндэслэн ЗАХИРАМЖЛАХ нь:

1. Аймгийн эдийн засгийн өнөөгийн байдал, иргэдийн санал хүсэлтийн дагуу аймгийн Засаг даргын 2015 оны а/650 дугаар захирамжаар батлагдсан төлбөрийн хэмжээг бууруулж баталсугай.

2. Орон нутгийн чанартай авто зам, замын байгууламжаар зорчих тээврийн хэрэгслээс зам ашигласны төлбөр авах журмыг нэгдүгээр хавсралтаар, зам ашигласны жилийн төлбөр, хяналтын цэгт тухай бүр авах төлбөрийн хэмжээг хоёрдугаар хавсралтаар, төлбөр хураах цэгийн байршлыг гуравдугаар хавсралтаар тус тус баталсугай.

3.Төлбөр хураамж авах хэмжээг журмын дагуу зохион байгуулж, санд төвлөрүүлэхийг Авто тээврийн төв /С.Мөнх-Эрдэнэ/-д үүрэг болгосугай.

4. Төлбөр хураах, санд төвлөрүүлэх, сангийн хөрөнгийн зарцуулалтанд хяналт тавьж ажиллахыг Санхүү, төрийн сангийн хэлтэс /Б.Наранхүү, Хөрөнгө оруулалт, хөгжлийн бодлого, төлөвлөлтийн хэлтэс /Ж.Сүх-Эрдэнэ/-д тус тус даалгасугай.

5. Энэхүү захирамж гарсантай холбогдуулан аймгийн Засаг даргын 2015 оны а/650 дугаар захирамж, 2016 оны а/172 дугаар захирамжийг хүчингүйд тооцсугай.

ЗАСАГ ДАРГА Н.НАРАНБААТАР

Захиргааны хэм хэмжээний актын улсын нэгдсэн санд 2017 оны 3 дугаар сарын 16-ны өдрийн 3706 дугаарт бүртгэв.

МОНГОЛ УЛС ӨМНӨГОВЬ АЙМГИЙН ЗАСАГ ДАРГЫН ЗАХИРАМЖ

2022 оны 11 дүгээр сарын 14-ний өдөр

Дугаар А/1653

Даланзадгад

ЖУРАМ БАТЛАХ ТУХАЙ

Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 66 дугаар зүйлийн 66.1, 66.2, 66.3 дахь заалт, Авто замын тухай хуулийн 30 дугаар зүйлийн 30.3 дугаар заалтыг тус тус үндэслэн ЗАХИРАМЖЛАХ нь:

1.Орон нутгийн чанартай авто зам, замын байгууламж ашигласны төлбөр авах, авто замын санд төвлөрүүлэх, захиран зарцуулах үйл ажиллагааны журмыг нэгдүгээр, хөрөнгө төвлөрүүлэлт, зарцуулалтын тайлан гаргах маягтыг хоёрдугаар хавсралтаар тус тус баталсугай.

2.Энэ захирамжийг хэрэгжүүлж ажиллахыг аймгийн Засаг даргын Тамгын газрын Санхүү, төрийн сангийн хэлтэс (Б.Очгэрэл), Хөгжлийн бодлого, төлөвлөлт, хөрөнгө оруулалтын хэлтэс (О.Эрдэнэ-Өрнөх), Авто тээврийн төв (Э.Мөнхболор), Татварын хэлтэс (С.Дүүбаяр) нарт тус тус үүрэг болгосугай.

3.Захирамжийн хэрэгжилтэд хяналт тавьж ажиллахыг аймгийн Засаг даргын орлогч (Н.Энхбат)-д даалгасугай.

4.Энэхүү захирамж гарсантай холбогдуулан аймгийн Засаг даргын 2017 оны А/137 дугаар захирамжийг хүчингүй болсонд тооцсугай.

ЗАСАГ ДАРГА Р.СЭДДОРЖ