Монгол Улсын Засгийн газрын тухай хуулийн 24 дүгээр зүйлийн 24.2 дахь хэсэг, Номын сангийн тухай хуулийн 24 дүгээр зүйлийн 24.2 дахь хэсгийг тус тус үндэслэн ТУШААХ нь:

1."Уншлагыг дэмжих журам”-ыг хавсралтаар баталсугай.

2.Тушаалыг хэрэгжүүлж ажиллахыг аймаг, нийслэлийн Засаг дарга, өмчийн хэлбэр харгалзахгүйгээр боловсрол, соёлын байгууллагын дарга, захирал, эрхлэгч нарт, тушаалын хэрэгжилтэд хяналт тавьж ажиллахыг Төрийн нарийн бичгийн дарга /Б.Баярсайхан/-д тус тус даалгасугай.

3.Энэхүү тушаал батлагдсантай холбогдуулан Боловсрол, соёл, шинжлэх ухааны сайдын 2006 оны “Журам батлах тухай” 211 дүгээр тушаалыг хүчингүй болсонд тооцсугай.

САЙД                                                                               Ц.ЦОГЗОЛМАА