ДУНДГОВЬ АЙМАГ

ХУЛД СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТӨЛӨӨЛӨГЧДИЙН ТОГТООЛ

2019 оны 3 дугаар сарын 4-ний өдөр

Дугаар 11/02

Улаанжирэм

ГАЗРЫН ҮНЭЛГЭЭНИЙ БҮСЧЛЭЛ, ТҮҮНИЙ ТӨЛБӨРИЙН ХЭМЖЭЭГ ШИНЭЧЛЭН ТОГТООХ ТУХАЙ

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 18 дугаар зүйлийн 18.1.2-ын "д" дэх заалт, Газрын төлбөрийн тухай хуулийн 6 дугаар зүйлийн 6.3 дахь заалт, 9 дүгээр зүйлийн 9.1 дэх заалт, Засгийн газрын 2018 оны 182 дугаар тогтоол зэргийг үндэслэн ТОГТООХ нь:

1. Сумын нутаг дэвсгэрийн эдийн засгийн давуу тал, байгаль экологийн онцлог шинж чанар, газар зохион байгуулалтын ерөнхий төлөвлөгөө, хэтийн хөгжлийг харгалзан зурагласан газрын үнэлгээний бүсийг сумын нутаг дэвсгэрийн хил заагаар тогтоосон зургийг 1-р хавсралтаар, газрын төлбөрийн хувь хэмжээг тогтооход хэрэглэх итгэлцүүрийн тоон утгыг 2-р хавсралтаар тус тус баталсугай.

2. Иргэн, аж ахуйн нэгж, байгууллагын газар эзэмших ашиглах гэрээг шинэчлэх, газрын төлбөрийг ногдуулан орон нутгийн төсөвт төвлөрүүлэх зэргээр төлөвлөгөөний биелэлтийг ханган ажлаа Иргэдийн Төлөөлөгчдийн Хурал /Иргэд/- д тайлагнан ажиллахыг сумын Засаг дарга /Ч.Зоригтбаатр/-д даалгасугай.

3. Энэхүү тогтоолыг Хууль зүй, дотоод хэргийн яаманд хянуулж бүртгэгдсэнээр дагаж мөрдсүгэй.

4. Тогтоол хэрэгжиж эхэлсэн өдрөөс төлөвлөгөөний хэрэгжилтэнд хяналт тавин биелэлт үр дүнг тооцон, ажлаа иргэдэд тайлагнан ажиллахыг сумын Иргэдийн Төлөөлөгчдийн Хурлын Тэргүүлэгчид /С.Бат/-д үүрэг болгосугай.

ДАРГА С.БАТ