- Нүүр
- Аймаг, нийслэлийн ИТХ-ын шийдвэр
- ХЭРЛЭН СУМЫН ХОГ ХАЯГДАЛ ТЭЭВЭРЛЭХ ЗАРДАЛ, ҮЙЛЧИЛГЭЭНИЙ ХУРААМЖИЙН ХЭМЖЭЭГ ТОГТООХ ТУХАЙ
ХЭНТИЙ АЙМАГ
ХЭРЛЭН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ХУРАЛДААНЫ ТОГТООЛ
2019 оны 6 дугаар сарын 5-ны өдөр
Дугаар 07
Чингис хот
ХОГ ХАЯГДАЛ ТЭЭВЭРЛЭХ ЗАРДАЛ, ҮЙЛЧИЛГЭЭНИЙ ХУРААМЖИЙН ХЭМЖЭЭГ ТОГТООХ ТУХАЙ
Монгол Улсын Засаг захиргаа нутаг дэвсгэрийн нэгж, түүний удирдлагын тухай хуулийн 18 дугаар зүйлийн 18.1.2.-ийн "д", 25 дугаар зүйлийн 25.1 дэх хэсэг, Хог хаягдлын тухай хуулийн 9 дүгээр зүйлийн 9.2.1, 9.2.2 дахь заалтуудыг тус тус үндэслэн сумын иргэдийн Төлөөлөгчдийн Хурлын Есдүгээр Хуралдаанаас ТОГТООХ нь:
Нэг. Хэрлэн сумын нутаг дэвсгэрт мөрдөх энгийн хог хаягдлыг цуглуулж, тээвэрлэх зардлын нэгж тарифыг 1-р хавсралтаар, энгийн хог хаягдлын үйлчилгээний төлбөр хураамжийн хэмжээг 2-р хавсралтаар тус тус баталсугай.
Хоёр. Энэхүү тогтоолыг хэрэгжүүлж ажиллахыг Хэрлэн сумын Засаг дарга бөгөөд Чингис хотын захирагч /Ц.Идэрбат/-д даалгасугай.
Гурав. Тогтоолын хэрэгжилтэд хяналт тавьж ажиллахыг сумын иргэдийн Төлөөлөгчдийн Хурлын Байгаль орчин, Хөдөөгийн хөгжлийн бодлогын хороо /Г.Бат-Эрдэнэ/-д үүрэг болгосугай.
ДАРГА Ч.ГАНХУЯГ
Текст томруулах
A
A
A