Захиргааны хэм хэмжээний актын улсын нэгдсэн санд 2019 оны 7 дугаар сарын 5-ны өдрийн 4425 дугаарт бүртгэв.

ЭРЧИМ ХҮЧНИЙ ЗОХИЦУУЛАХ ХОРООНЫ ТОГТООЛ

2019 оны 6 дугаар сарын 26-ний өдөр                                                      Дугаар 356                                                            Улаанбаатар хот

ТАРИФ БАТЛАХ ТУХАЙ

Эрчим хүчний тухай хуулийн 9 дүгээр зүйлийн 9.1.4, 9.2 дахь хэсэг, Захиргааны ерөнхий хуулийн 67 дугаар зүйлийн 67.2 дахь хэсэг, “Улаангомын дулааны хоёрдугаар станц“ ТӨХК-иас ирүүлсэн хүсэлтийг тус тус үндэслэн Эрчим хүчний зохицуулах хорооноос ТОГТООХ нь:

1.Увс аймгийн “Улаангомын дулааны хоёрдугаар станц” ТӨХК-ийн эзэмшлийн дулаан түгээх сүлжээнд холбогдсон хэрэглэгчдэд борлуулах дулааны эрчим хүчний тарифыг хавсралтын ёсоор баталсугай.

2.Батлагдсан тарифыг 2019 оны 9 дүгээр сарын 15-ны өдрөөс эхлэн мөрдөж ажиллахыг “Улаангомын дулааны хоёрдугаар станц“ ТӨХК /Ю.Сайнжаргал/-д үүрэг болгосугай.

3.Энэхүү тогтоолын биелэлтэд хяналт тавьж ажиллахыг Үнэ тариф, зах зээлийн газар /Б.Болор-Эрдэнэ/-т даалгасугай.

ДАРГА                   А.ТЛЕЙХАН 

ЗОХИЦУУЛАГЧ    Д.БАССАЙХАН

ЗОХИЦУУЛАГЧ    Э.ТҮВШИНЧУЛУУН

ЗОХИЦУУЛАГЧ    У.МЯГМАРСҮРЭН

ЗОХИЦУУЛАГЧ    Б.АМАРСАНАА