/Сумын ИТХ-ын 2021 оны 02 дугаар тогтоолоор хүчингүй болгосон/

ХОВД АЙМАГ

БУЛГАН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ХУРАЛДААНЫ ТОГТООЛ

2019 оны 4 дүгээр сарын 12-ны өдөр                                                                                                                      Дугаар 08                                                                         Бүрэнхайрхан

ҮЙЛЧИЛГЭЭНИЙ ҮНЭ ТАРИФИЙГ ШИНЭЧЛЭН ТОГТООХ  ТУХАЙ

Монгол Улсын Үндсэн хуулийн 16 дугаар зүйлийн 16.2, Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 18 дугаар зүйлийн 18.1.2 “д”, 18 дугаар зүйлийн 18.2, Хог хаягдлын тухай хуулийн 9 дүгээр зүйлийн 9.2 дахь заалт, сумын Засаг даргын саналыг тус тус үндэслэн сумын иргэдийн  Төлөөлөгчдийн  Хурлын 9 дүгээр хуралдаанаас ТОГТООХ нь: 

1.Тус суманд “Минжит Булган хот тохижилт” ОНӨААТҮГ-ын тогтвортой үйл ажиллагааг хангах, төсөв бүрдүүлэх, хог хаягдлын менежментийг сайжруулах, Ярант, Байтагийн хилийн боомтоор ачаа тээвэр, худалдаа үйлчилгээ эрхэлж буй аж ахуйн нэгж, байгууллага, иргэдийн үйл ажиллагааны улмаас агаар бохирдож, ан амьтан дайжиж, хог хаягдал их хэмжээгээр үүсэж байгааг шийдвэрлэх зорилогоор хог хаягдлын үйлчилгээний хураамжийг хавсралтаар баталсугай.

2.Үйлчилгээний үнэ тарифийг мөрдүүлэн, хяналт тавьж ажиллахыг сумын Засаг дарга /Б.Амгаланбадрах/-д үүрэг болгосугай.

3.Энэ тогтоол гарсантай холбогдуулан сумын иргэдийн Төлөөлөгчдийн Хурлын Тэргүүлэгчдийн 2018 оны 6 дугаар сарын 6-ны өдрийн 47 тоот тогтоол, сумын иргэдийн Төлөөлөгчдийн Хурлын 2017 оны 6 дугаар сарын 15-ны өдрийн 04 тоот тогтоолыг тус тус хүчингүйд тооцсугай.

                                                                                      ХУРЛЫН ДАРГА                                Т.БАТХУЯГ