A

A

A

  • Нүүр
  • Эрүүл мэндийн даатгалын үндэсний зөвлөл
  • ЖУРАМ, ЖАГСААЛТ, ТӨЛБӨРИЙН ХЭМЖЭЭГ ШИНЭЧЛЭН БАТЛАХ ТУХАЙ- “Эрүүл мэндийн даатгалын сангаас зардлын төлбөрийг нь хариуцах өрх, сум, тосгоны эрүүл мэндийн төвөөс үзүүлэх тусламж, үйлчилгээний журам”, “Өрх, сум, тосгоны эрүүл мэндийн төвөөс үзүүлэх тусламж үйлчилгээний багцад эрүүл мэндийн даатгалын сангаас төлөх төлбөрийн дээд хязгаар”, “Эрүүл мэндийн даатгалын сангаас зардлын төлбөрийг хариуцах өрх, сум, тосгоны эрүүл мэндийн төвөөс үзүүлэх оношилгоо, шинжилгээний жагсаалт, төлбөрийн дээд хязгаар”, “Өрх, сум, тосгоны эрүүл мэндийн төвд үзүүлэх өдрийн эмчилгээний оношийн хамааралтай бүлэг, өртгийн жин”
Бүлэг: 1979

Захиргааны хэм хэмжээний актын улсын нэгдсэн санд 2019 оны 11 дүгээр сарын18-ны өдрийн 4525 дугаарт бүртгэв.

ЭРҮҮЛ МЭНДИЙН ДААТГАЛЫН ҮНДЭСНИЙ ЗӨВЛӨЛИЙН ТОГТООЛ

2019 оны 10 дугаар сарын 25-ны өдөр

Дугаар 23

Улаанбаатар хот

ЖУРАМ, ЖАГСААЛТ, ТӨЛБӨРИЙН ХЭМЖЭЭГ ШИНЭЧЛЭН БАТЛАХ ТУХАЙ

Эрүүл мэндийн даатгалын тухай хуулийн 9 дүгээр зүйлийн 9.1.9, 11 дүгээр зүйлийн 11.2, 14 дүгээр зүйлийн 14.8.6, 14.9.8, 14.9.9 дэх заалтуудыг тус тус үндэслэн ТОГТООХ нь:

1."Эрүүл мэндийн даатгалын сангаас зардлын төлбөрийг нь хариуцах өрх, сум, тосгоны эрүүл мэндийн төвөөс үзүүлэх тусламж, үйлчилгээний журам"-ыг нэгдүгээр хавсралтаар, "Өрх, сум, тосгоны эрүүл мэндийн төвөөс үзүүлэх тусламж үйлчилгээний багцад эрүүл мэндийн даатгалын сангаас төлөх төлбөрийн дээд хязгаар"-ыг хоёрдугаар хавсралтаар, "Эрүүл мэндийн даатгалын сангаас зардлын төлбөрийг хариуцах өрх, сум, тосгоны эрүүл мэндийн төвөөс үзүүлэх оношилгоо, шинжилгээний жагсаалт, төлбөрийн дээд хязгаар"-ыг гуравдугаар хавсралтаар, "Өрх, сум, тосгоны эрүүл мэндийн төвд үзүүлэх өдрийн эмчилгээний оношийн хамааралтай бүлэг, өртгийн жин"-г дөрөвдүгээр хавсралтаар тус тус баталсугай.

2.Энэхүү тогтоол батлагдсантай холбогдуулан Эрүүл мэндийн даатгалын ерөнхий газар (Г.Баясгалан)-т ДААЛГАХ нь:

2.1.Даатгалын гэрээ бүхий өрх, сум, тосгоны эрүүл мэндийн төвийн 2019 оны төсвийн сарын хуваарьт өөрчлөлт оруулах замаар даатгуулагчид үзүүлсэн тусламж, үйлчилгээний зардлыг батлагдсан төсөвт багтаан гүйцэтгэлээр тооцон санхүүжүүлэх;

2.2.Өрх, сум, тосгоны эрүүл мэндийн төвөөс үзүүлэх багцын тусламж, үйлчилгээг иргэд, даатгуулагчид сурталчлах, мэдээлэл хүргэх ажлыг холбогдох газруудтай хамтран шуурхай зохион байгуулах, гэрээний хэрэгжилтэд хяналт тавих;

2.3.Эрүүл мэндийн даатгалын цахим програм хангамжид нэмэлт өөрчлөлт оруулах;

3.Энэхүү тогтоолыг хэрэгжүүлэхтэй холбоотой Эрүүл мэндийн яамны Төрийн нарийн бичгийн даргад ДААЛГАХ нь:

3.1.Холбогдох дүрэм журам, журам, стандарт, тусламж, үйлчилгээний жагсаалтыг шинэчлэх;

3.2.Өрх, сум, тосгоны эрүүл мэндийн төвийн эмч, эмнэлгийн мэргэжилтнийг стандартад заасан орон тоогоор ажиллуулах, дахин сургах, мэргэшүүлэх чиглэлээр бодлогын хувьд дэмжлэг үзүүлэх;

3.3.Өрх, сум, тосгоны эрүүл мэндийн төвөөс үзүүлэх тусламж, үйлчилгээний чанар, аюулгүй байдалд хяналт, шинжилгээ хийх, мэргэжлийн удирдлагаар ханган зохин байгуулалтын арга хэмжээг авч, ажиллах талаар Эрүүл мэндийн газарт үүрэг, чиглэл өгөх;

4.Энэхүү тогтоол батлагдсантай холбогдуулан Эрүүл мэндийн даатгалын үндэсний зөвлөлийн 2018 оны 5 дугаар сарын 4-ний өдрийн 08 дугаар тогтоолыг хүчингүй болсонд тооцсугай.

5.Тогтоолын хэрэгжилтэд хяналт тавьж ажиллахыг Эрүүл мэндийн даатгалын Үндэсний зөвлөлийн дэд дарга ( Д.Дэмбэрэл )-д даалгасугай.

ДАРГА Д.САРАНГЭРЭЛ

ЭРҮҮЛ МЭНДИЙН ДААТГАЛЫН ҮНДЭСНИЙ ЗӨВЛӨЛИЙН ТОГТООЛ

2022 оны 3 дугаар сарын 23-ны өдөр

Дугаар 05

Улаанбаатар хот

ТӨЛБӨРИЙН ХЭМЖЭЭ, ТӨЛБӨРИЙН АРГА, ЖУРАМ ШИНЭЧЛЭН БАТЛАХ ТУХАЙ

Эрүүл мэндийн даатгалын тухай хуулийн 9 дүгээр зүйлийн 9.1.9, 9.1.13, 11 дүгээр зүйлийн 11.2, 14 дүгээр зүйлийн 14.8.6 дахь заалт, Эмнэлгийн тусламж, үйлчилгээний тухай хуулийн 17 дугаар зүйл, Эрүүл мэндийн тухай хуулийн 24 дүгээр зүйлийн 24.6.10 дахь заалтуудыг тус тус үндэслэн ТОГТООХ нь:

1."Эрүүл мэндийн даатгалын сангаас зардлын төлбөрийг нь хариуцах өрх, сум, тосгоны эрүүл мэндийн төвөөс үзүүлэх эрүүл мэндийн тусламж, үйлчилгээний төлбөрийн хэмжээ"-г нэгдүгээр, "Өрх, сум, тосгоны эрүүл мэндийн төвөөс үзүүлэх эрүүл мэндийн тусламж, үйлчилгээг санхүүжүүлэх төлбөрийн арга"-ыг хоёрдугаар, "Өрх, сум, тосгоны эрүүл мэндийн төвөөс үзүүлэх эрүүл мэндийн тусламж, үйлчилгээг эрүүл мэндийн даатгалын сангаас санхүүжүүлэх, хяналт тавих журам"-ыг гуравдугаар хавсралтаар тус тус баталсугай.

2.Тогтоолыг хэрэгжүүлэхтэй холбоотой Эрүүл мэндийн яамны Төрийн нарийн бичгийн дарга (Ц.Эрдэмбилэг)-д ДААЛГАХ нь:

2.1.Холбогдох дүрэм, журам, тусламж, үйлчилгээний жагсаалт шинэчлэн батлуулах;

2.2.Аймаг, нийслэлийн засаг дарга, аймаг, нийслэлийн эрүүл мэндийн газарт өрхийн эрүүл мэндийн төвийг сонгон шалгаруулах, өрх, сум, тосгоны эрүүл мэндийн төвтэй гүйцэтгэлийн гэрээ байгуулж, хэрэгжилтийг хангаж ажиллахыг чиглэл болгох;

2.3.Өрх, сум, тосгоны эрүүл мэндийн төвийн цахим системийг боловсронгуй болгож, эрүүл мэндийн даатгалын цахим системд бодит цагийн горимоор холбох арга хэмжээг авч ажиллах;

3.Тогтоол батлагдсантай холбогдуулан дараах арга хэмжээг тус тус хэрэгжүүлэхийг Эрүүл мэндийн даатгалын ерөнхий газар (Л.Бямбасүрэн)-т ДААЛГАХ нь:

3.1.Нийт өрх, сум, тосгоны эрүүл мэндийн байгууллагуудтай тусламж, үйлчилгээ худалдан авах гэрээ байгуулах;

3.2.Өрх, сум, тосгоны эрүүл мэндийн төвөөс үзүүлж буй тусламж, үйлчилгээний нэхэмжлэлд тавигдах чанар, төлбөрийн хяналтын шалгуур бий болгон явцын болон гүйцэтгэлийн хяналтыг хийх;

3.3.Анхан шатны эрүүл мэндийн байгууллагуудын нэг иргэнээр тооцсон нормативт төсвийг 2022 оны батлагдсан төсвийн хязгаарт багтаан, 1 дүгээр улиралд үзүүлсэн суурь тусламж, үйлчилгээний гүйцэтгэлийг шинэчилсэн төлбөрийн хэмжээгээр тооцож, хяналт тавьж олгох, цаашид журмын 3.11.3-т заасныг үндэслэн сар бүр санхүүжүүлэх;

3.4.Эрүүл мэндийн даатгалын цахим програм хангамжид холбогдох нэмэлт өөрчлөлтийг оруулах;

3.5.Өрх, сум, тосгоны эрүүл мэндийн төвөөс үзүүлсэн тусламж, үйлчилгээний гүйцэтгэлийн тоо мэдээлэл болон нэхэмжлэлийг бодит цагийн горимоор хүлээн авч холбогдох эрх зүйн хүрээнд тусламж, үйлчилгээг худалдан авах;

4.Эрүүл мэндийн хөгжлийн төв (Б.Нарантуяа)-д ДААЛГАХ нь:

4.1.Холбогдох програм хангамжид нэмэлт, өөрчлөлт оруулах, өрх, сум, тосгоны эрүүл мэндийн төвүүдэд дэмжлэг, туслалцаа үзүүлэх;

5.Өрх, сум, тосгоны эрүүл мэндийн төвийн дарга нарт үүрэг БОЛГОХ нь:

5.1.Эрүүл мэндийн тусламж, үйлчилгээний хяналт, санхүүжилт, төлбөр тооцооны програм, цахим системийг бодит цагийн горимд шилжүүлж, иргэнд чанартай эрүүл мэндийн тусламж, үйлчилгээг чирэгдэлгүй үзүүлэх;

6.Энэхүү тогтоол батлагдсантай холбогдуулан Эрүүл мэндийн даатгалын үндэсний зөвлөлийн 2019 оны "Журам жагсаалт, төлбөрийн хэмжээг шинэчлэх батлах тухай" 23 дугаар тогтоол, 2020 оны "Тогтоолд нэмэлт, өөрчлөлт оруулах тухай" 14 дүгээр тогтоол, 2021 оны "Төлбөрийн хэмжээ, төлбөрийн арга, журам шинэчлэн батлах тухай" 04 дүгээр тогтоолуудыг тус тус хүчингүй болсонд тооцсугай.

7.Тогтоолын хэрэгжилтэд хяналт тавьж ажиллахыг Эрүүл мэндийн даатгалын үндэсний зөвлөлийн ажлын алба (Л.Номин)-нд даалгасугай.

ДАРГА С.ЭНХБОЛД