- Нүүр
- Аймаг, нийслэлийн ИТХ-ын шийдвэр
- УЛААНГОМ СУМЫН ГАЗРЫН ҮНЭЛГЭЭНИЙ БҮС, ГАЗРЫН ТӨЛБӨРИЙН ХУВЬ, ХЭМЖЭЭГ ШИНЭЧЛЭН ТОГТООХ ТУХАЙ
УВС АЙМАГ
УЛААНГОМ СУМЫН ИРГЭДИЙН ТӨЛӨӨЛӨГЧДИЙН ХУРЛЫН ХУРАЛДААНЫ ТОГТООЛ
2018 оны 10 дугаар сарын 11-ний өдөр
Дугаар А/01
Улаангом
ГАЗРЫН ҮНЭЛГЭЭНИЙ БҮС, ГАЗРЫН ТӨЛБӨРИЙН ХУВЬ, ХЭМЖЭЭГ ШИНЭЧЛЭН ТОГТООХ ТУХАЙ
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 18 дугаар зүйлийн 18.1.2."д", Газрын төлбөрийн тухай хуулийн 6 дугаар зүйлийн 6.3, 7 дугаар зүйлийн 7.1.3, Засгийн газрын 2018 оны 182 дугаар тогтоолыг тус тус үндэслэн ТОГТООХ нь:
1. Улаангом сумын газар нутгийн байршил, суурьшлын бүс, нийгэм эдийн засгийн онцлогийг харгалзан газрын үнэлгээний бүсийг 1 дүгээр хавсралтаар, Хот, тосгон, бусад суурины газарт иргэн, аж ахуйн нэгж, байгууллагын эзэмшиж, ашиглаж байгаа газрын төлбөрийн хувь, хэмжээг 2 дугаар хавсралтаар, Хөдөө аж ахуйн газрын суурь үнэлгээ, газрын төлбөрийн хувь, хэмжээг 3 дугаар хавсралтаар, Зам, шугам сүлжээний газрын төлбөрийн хувь хэмжээг 4 дүгээр хавсралтаар тус тус баталсугай.
2. Улаангом суманд газар эзэмшиж, ашиглаж байгаа иргэн, аж ахуйн нэгж, байгууллагын газар эзэмших гэрээг шинэчилэн байгуулан ажиллахыг сумын Засаг дарга /Ц. Пүрэвжав/-д даалгасугай.
3. Тогтоолын хэрэгжилтэд хяналт тавьж ажиллахыг Улаангом сумын ИТХ-ын Тэргүүлэгчдийн нарийн бичгийн дарга /Д.Нансалжав/-д үүрэг болгосугай.
4. Энэхүү тогтоол батлагдсантай холбогдуулан Улаангом сумын ИТХ-ын 2013 оны 12 дугаар сарын 17-ны өдрийн 04/07 дугаар тогтоолыг хүчингүйд тооцсугай.
ДАРГА Н.ГАНЦОГТ
УВС АЙМАГ УЛААНГОМ СУМЫН ИРГЭДИЙН ТӨЛӨӨЛӨГЧДИЙН ХУРЛЫН ХУРАЛДААНЫ ТОГТООЛ
2023 оны 12 дугаар сарын 14-ний өдөр
Дугаар 17/08
Улаангом
ТОГТООЛ ХҮЧИНГҮЙ БОЛГОХ ТУХАЙ
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 48 дугаар зүйлийн 48.1, Газрын төлбөрийн тухай хуулийн 6 дугаар зүйлийн 6.3 дахь заалтыг тус тус үндэслэн ТОГТООХ нь:
Нэг.Улаангом сумын газрын үнэлгээний бүсийн газрын төлбөрийн хувь, хэмжээг тогтоосон сумын иргэдийн Төлөөлөгчдийн Хурлын 2018 оны 10 дугаар сарын 11-ний өдрийн А/01 дүгээр тогтоолыг хүчингүйд тооцсугай.
Хоёр. Тогтоолын хэрэгжилтэнд хяналт тавьж ажиллахыг Улаангом сумын иргэдийн Төлөөлөгчдийн Хурлын нарийн бичгийн дарга (Э.Бат-Орших)-д үүрэг болгосугай.
ДАРГА Н.ГАНЦОГТ
Текст томруулах
A
A
A