УВС АЙМАГ

ЦАГААНХАЙРХАН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ

2018 оны 10 дугаар сарын 19-ний өдөр

Дугаар А/30

Мөндөөхөө

ГАЗРЫН ҮНЭЛГЭЭНИЙ БҮС, ГАЗРЫН ТӨЛБӨРИЙН ХУВЬ, ХЭМЖЭЭГ ШИНЭЧЛЭН ТОГТООХ ТУХАЙ

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 18 дугаар зүйлийн 18.1.2."д", Газрын төлбөрийн тухай хуулийн 6 дугаар зүйлийн 6.3, 7 дугаар зүйлийн 7.1.3, Засгийн газрын 2018 оны 182 дугаар тогтоолыг тус тус үндэслэн ТОГТООХ нь:

Нэг. Цагаанхайрхан сумын газар нутгийн байршил, суурьшлийн бүс, нийгэм эдийн засгийн онцлогийг харгалзан үнэлгээний бүсийг 1 дүгээр хавсралтаар, Хот тосгон бусад суурины газарт иргэн, аж ахуйн нэгж, байгууллагын эзэмшиж, ашиглаж байгаа газрын төлбөрийн хувь, хэмжээг 2 дугаар хавсралтаар, Зам шугам сүлжээний газрын төлбөрийн хувь хэмжээг 3 дугаар хавсралтаар, Хөдөө аж ахуйн газрын суурь үнэлгээ, газрын төлбөрийн хувь хэмжээг 4 дүгээр хавсралтаар тус тус баталсугай.

Хоёр. Цагаанхайрхан суманд газар эзэмшиж, ашиглаж байгаа иргэн аж ахуйн нэгж, байгууллагын газар эзэмших гэрээг шинэчлэн байгуулан ажиллахыг сумын Засаг дарга /Д.Даваасүрэн/-д даалгасугай.

Гурав. Тогтоолын хэрэгжилтэд хяналт тавьж ажиллахыг Цагаанхайрхан сумын ИТХ-ын Тэргүүлэгчдийн нарийн бичгийн дарга /Я.Самбуу/-д үүрэг болгосугай.

Дөрөв. Энэхүү тогтоол батлагдсантай холбогдуулан Цагаанхайрхан сумын ИТХ-ын 2007 оны 4 дүгээр сарын 20-ны өдрийн А/12 дугаар тогтоолыг хүчингүйд тооцсугай.

ДАРГА Ц. БЯМБАСҮРЭН