Хэвлэх DOC Татаж авах
Журам шинэчлэн батлах тухай /Хөдөлмөрийн аюулгүй байдал, эрүүл ахуйн сургалт явуулах болон шалгалт авах/

ХӨДӨЛМӨР, НИЙГМИЙН ХАМГААЛЛЫН САЙДЫН ТУШААЛ
2019 оны 12 дугаар сарын 13-ны өдөр                             
Улаанбаатар хот                                       

Дугаар А/370     

Журам шинэчлэн батлах тухай

Монгол Улсын Засгийн газрын тухай хуулийн 24 дүгээр зүйлийн 24.2 дахь хэсэг, Хөдөлмөрийн аюулгүй байдал, эрүүл ахуйн тухай хуулийн 17 дугаар зүйлийн 17.5 дахь хэсэг, 22 дугаар зүйлийн 22.1.5 дахь заалтыг тус тус үндэслэн ТУШААХ нь: 

1. “Хөдөлмөрийн аюулгүй байдал, эрүүл ахуйн сургалт явуулах болон шалгалт авах журам”-ыг нэгдүгээр, “Хөдөлмөрийн аюулгүй байдал, эрүүл ахуйн сургалтын хөтөлбөр”-ийг хоёрдугаар хавсралтаар тус тус шинэчлэн баталсугай.

2. Хөдөлмөрийн аюулгүй байдал, эрүүл ахуйн сургалт явуулахаар бүртгүүлж, гэрчилгээ авсан байгууллагуудад энэхүү журам шинэчлэн батлагдсантай холбоотой бэлтгэл хангуулах зорилгоор журмын 4.3, 4.4 дэх хэсэг, 4.1.2 дахь заалтыг 2020 оны 07 дугаар сарын 01-ний өдрөөс эхлэн тус тус дагаж мөрдсүгэй.

3. Энэхүү тушаалын хэрэгжилтийг зохион байгуулж, хяналт тавьж ажиллахыг Хөдөлмөрийн харилцааны бодлогын хэрэгжилтийг зохицуулах газар /Б.Алимаа/-т, Хөдөлмөрийн аюулгүй байдал, эрүүл мэндийн төв /М.Даваабат/-д тус тус үүрэг болгосугай.

4. Энэхүү тушаал гарсантай холбогдуулан “Журам шинэчлэн батлах тухай” Хөдөлмөрийн сайдын 2016 оны А/33 дугаар тушаалыг хүчингүй болсонд тооцсугай.

  САЙД                                               С.ЧИНЗОРИГ