- Нүүр
- Засгийн газрын тогтоол
- ОЛОН УЛСЫН БАЙГУУЛЛАГАД ГИШҮҮНЭЭР ЭЛСЭХ ТУХАЙ
МОНГОЛ УЛСЫН ЗАСГИЙН ГАЗРЫН ТОГТООЛ
2020 оны 2 дугаар сарын 4-ний өдөр
Дугаар 46
Улаанбаатар хот
ОЛОН УЛСЫН БАЙГУУЛЛАГАД ГИШҮҮНЭЭР ЭЛСЭХ ТУХАЙ
Монгол Улсын Засгийн газрын тухай хуулийн 30 дугаар зүйлийн 1 дэх хэсэгт заасныг үндэслэн Монгол Улсын Засгийн газраас ТОГТООХ нь:
1. "Олон улсын тээврийн форум"-д Монгол Улс гишүүнээр элсэх нь зүйтэй гэж үзсүгэй.
2. Засгийн газрын 2007 оны 60 дугаар тогтоолын 1 дүгээр хавсралтаар баталсан "Татварыг нь улсын төсвөөс төлөх олон улсын байгууллагуудын жагсаалт"-д дор дурдсан агуулга бүхий 85 дахь заалт нэмсүгэй:
"85. Олон улсын тээврийн форум-ЗТХЯ"
3. Монгол Улс "Олон улсын тээврийн форум"-д гишүүнээр элсэх хүсэлтийг зохих журмын дагуу уламжлах, тус байгууллагын гишүүний 2020 оны татварыг батлагдсан төсвийн багцдаа багтаан төлөхийг Зам, тээврийн хөгжлийн сайд Б.Энх-Амгаланд даалгасугай.
Монгол Улсын Ерөнхий сайд У.ХҮРЭЛСҮХ
Зам, тээврийн хөгжлийн сайд Б.ЭНХ-АМГАЛАН
Текст томруулах
A
A
A