ГААЛИЙН ЕРӨНХИЙ ГАЗРЫН ДАРГЫН ТУШААЛ

ГААЛИЙН БАЙГУУЛЛАГЫН ЭРХ ХЭМЖЭЭГ ТОДОРХОЙ БАРААГААР ХЯЗГААРЛАХ ТУХАЙ

2020 оны 2 дугаар сарын 19-ний өдөр

Дугаар А/42

Улаанбаатар хот

Монгол Улсын Гаалийн тухай хуулийн 271¹дүгээр зүйлийн 271¹.1.9 дэх заалтыг үндэслэн ТУШААХ нь:

1. Хилийн чанадад гаргах түүхий болон дулааны аргаар эсхүл, бүрэн боловсруулсан махны гаалийн бүрдүүлэлтийг гүний гаалийн байгууллагад хийж, гаалийн байгууллагаас итгэмжлэл авсан тээвэрлэгчээр тээвэрлүүлэн хилийн гаалийн байгууллагын хяналтад илгээж байхаар тогтоосугай.

2. Энэ тушаалын 1-д заасан барааг зөвхөн хилийн гаалийн байгууллагын хариуцах нутаг дэвсгэрт байрлах үйлдвэрээс ачих тохиолдолд хилийн гаалийн байгууллага хяналт тавьж, гаалийн бүрдүүлэлт хийхийг зөвшөөрсүгэй.

3. Энэ тушаалын биелэлтэд хяналт тавьж ажиллахыг Гаалийн хяналт, шалгалтын газар /П.Баттөр/-т даалгасугай.

ДАРГА Б.АСРАЛТ