Нүүр
Хүчингүй эрх зүйн акт 
Хавсралт 
Сонсох / Сонгосон утга сонсох
Pdf
Word
Хэвлэх
ӨМНӨГОВЬ АЙМАГ
ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ
2020 оны 12 дугаар сарын 3-ны өдөр
Дугаар 2/11
Даланзадгад
ТӨЛБӨРИЙН ХЭМЖЭЭ ТОГТООХ ТУХАЙ
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 18.1.2."д", Авто замын тухай хуулийн 30 дугаар зүйлийн 30.1 дэх хэсгийг тус тус үндэслэн аймгийн иргэдийн Төлөөлөгчдийн Хурлаас ТОГТООХ нь:
1.Ханбогд – Оюу толгой чиглэлийн 35.1 км хатуу хучилттай орон нутгийн авто зам, замын байгууламжаар зорчиж байгаа тээврийн хэрэгслээс авто зам, замын байгууламж ашигласны төлбөрийн хэмжээг хавсралтаар баталсугай.
2.Тогтоолын хэрэгжилтэд хяналт тавьж, орон нутгийн чанартай болон авто зам, замын байгууламж ашигласны төлбөр авах үйл ажиллагааны журмыг баталж, мөрдүүлэх ажлыг зохион байгуулахыг аймгийн Засаг дарга /Р.СЭДДОРЖ/-д үүрэг болгосугай.
3.Энэхүү тогтоолыг Хууль зүйн асуудал эрхэлсэн төрийн захиргааны төв байгууллагад хүргүүлэн хянуулж, бүртгүүлэхийг иргэдийн Төлөөлөгчдийн Хурлын Тэргүүлэгчдийн Ажлын алба /Б.Галхүү/-нд даалгасугай.
ДАРГА Б.БАДРАА
ӨМНӨГОВЬ АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН ТОГТООЛ
2023 оны 10 дугаар сарын 13-ны өдөр
Дугаар 14/12
Даланзадгад
ТОГТООЛЫН ХЭРЭГЖИЛТИЙН ТУХАЙ
Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.15 дахь заалт, 49 дүгээр зүйлийн 49.4 дэх хэсэг, Хөгжлийн бодлого, төлөвлөлт түүний удирдлагын тухай хуулийн 9 дүгээр зүйлийн 9.10.3 дахь заалтыг тус тус үндэслэн аймгийн иргэдийн Төлөөлөгчдийн Хурлаас ТОГТООХ нь:
1. Аймгийн иргэдийн Төлөөлөгчдийн Хурлаас батлагдаж, тавьсан зорилтдоо хүрч, бүрэн хэрэгжсэн нэр бүхий тогтоолуудыг хэрэгжилт тооцох хяналтаас нэгдүгээр хавсралтаар хассугай.
2.Холбогдох хууль тогтоомжид өөрчлөлт орж цаашид хэрэгжихгүй болсон аймгийн иргэдийн Төлөөлөгчдийн Хурлын 2020-2022 онд баталсан нэр бүхий тогтоолуудыг хоёрдугаар хавсралтаар хүчингүй болсонд тооцсугай.
3.Хяналтад үлдсэн, хэрэгжилт удаашралтай тогтоолын хэрэгжилтийг эрчимжүүлж, удирдлага зохион байгуулалтаар хангаж ажиллахыг аймгийн Засаг дарга (Р.Сэддорж), аймгийн иргэдийн Төлөөлөгчдийн Хурлын нарийн бичгийн дарга (Л.Батчулуун) нарт тус тус үүрэг болгосугай.
ХУРЛЫН ДАРГА Н.ЭНХБАТ
