БАРИЛГА ШИЛЖҮҮЛЭХ ТУХАЙ /Төрийн өмчийн 1 дүгээр байрыг/

2002 оны 4 дүгээр сарын 3-ны өдөр

Улаанбаатар хот

Дугаар 60

Төрийн болон орон нутгийн өмчийн тухай хуулийн 9 дүгээр зүйлийн З дахь заалтыг үндэслэн Монгол Улсын Засгийн газраас ТОГТООХ нь:

1. Төрийн өмчийн 1 дүгээр байрыг хурлын заал, гуанз, гараашийн хамт Төр, засгийн үйлчилгээ, аж ахуйг эрхлэх газрын мэдэлд Засгийн газрын байрны зориулалтаар балансаас балансад шилжүүлэхийг Төрийн өмчийн хороо (Л.ПҮРЭВДОРЖ)-нд зөвшөөрсүгэй.

2. Барилгыг зохих журмын дагуу хүлээн авч байрны захиргаа байгуулан ашиглалт, үйлчилгээнд нь байнгын хяналт тавьж ажиллахыг Төр, засгийн үйлчилгээ, аж ахуйг эрхлэх газар (Ж.БАДРАА)-т даалгасугай.

Монгол Улсын Ерөнхий сайд Н.ЭНХБАЯР

Монгол Улсын сайд,

Засгийн газрын Хэрэг

эрхлэх газрын дарга Ө.ЭНХТҮВШИН