- Нүүр
- Засгийн газрын тогтоол
- ТАТВАР ТӨЛӨХ ХУГАЦААГ ХОЙШЛУУЛАХ ТУХАЙ
МОНГОЛ УЛСЫН ЗАСГИЙН ГАЗРЫН ТОГТООЛ
2008 оны 8 дугаар сарын 6-ны өдөр
Дугаар 314
Улаанбаатар хот
ТАТВАР ТӨЛӨХ ХУГАЦААГ ХОЙШЛУУЛАХ ТУХАЙ
Гаалийн тариф, гаалийн татварын тухай хуулийн 40.1-д заасныг үндэслэн Монгол Улсын Засгийн газраас ТОГТООХ нь:
Монгол Улсын Засгийн газар, Бүгд Найрамдах Солонгос Улсын Экспорт-Импорт банк хооронд байгуулсан МОН-5 зээлийн гэрээний дагуу хэрэгжиж байгаа "Бүс нутгийн авто замыг хөгжүүлэх (Чойр-Сайншандын хэсэг) төсөл"-ийн хүрээнд нийлүүлэгдэх тоног төхөөрөмж, сэлбэг хэрэгсэл, материалд ногдох гаалийн болон нэмэгдсэн өртгийн албан татварын төлөх хугацааг татвар ногдуулсан өдрөөс хойш 2 сарын хугацаагаар хойшлуулахыг Улсын гаалийн ерөнхий газрын дарга Д.Цэвээнжав, Үндэсний татварын ерөнхий газрын дарга Л.Зориг нарт зөвшөөрсүгэй.
Монгол Улсын Ерөнхий сайд С.БАЯР
Сангийн сайд Ч.УЛААН
Текст томруулах
A
A
A