Хэвлэх DOC Татаж авах
МОНГОЛ УЛСАД 2000-2004 ОНД ОРУУЛЖ БОЛОХ ЦАГААЧ ИРГЭДИЙН ТОО, БҮТЭЦ, БАЙРШЛЫН ТУХАЙ

УЛСЫН ИХ ХУРЛЫН ТОГТООЛ

МОНГОЛ УЛСАД 2000-2004 ОНД ОРУУЛЖ БОЛОХ ЦАГААЧ ИРГЭДИЙН ТОО, БҮТЭЦ, БАЙРШЛЫН ТУХАЙ


2001 оны 12 дугаар сарын 14-ний өдөр


Улаанбаатар хот


Дугаар 96



Гадаадын иргэний эрх зүйн байдлын тухай хуулийн 24 дүгээр зүйлийн 2 дахь хэсэгт заасныг үндэслэн Монгол Улсын Их Хурлаас ТОГТООХ нь:


1. Монгол Улсад 2000-2004 онд оруулж болох цагаач иргэдийн тоог жил бүр 100-аас дээшгүй байхаар тогтоосугай.


2. Монгол Улсад 2000-2004 онд жил бүр оруулж болох цагаач иргэдийн бүтцийг дор дурдсанаар тогтоосугай:


1/ Оросын Холбооны Улсын харъяат иргэн 30-аас дээшгүй;


2/ Бүгд Найрамдах Хятад Ард Улсын харъяат иргэн 30-аас дээшгүй;


3/ бусад орны харъяат иргэн 40-өөс дээшгүй.


3. Монгол Улсад 2000-2004 онд жил бүр оруулж болох цагаач иргэдийн байршлыг дор дурдсанаар тогтоосугай:


1/ Улаанбаатар хотод 50-аас дээшгүй;


2/ Дархан-Уул, Орхон, Сэлэнгэ аймагт тус тус 3-аас дээшгүй;


3/ бусад аймагт 2-оос дээшгүй.


/Гэр бүлээрээ ирсэн цагаач иргэдэд тэднийг хамт байршуулах үүднээс энэ тогтоолын 3 дахь заалтын 1, 2, 3-т заасан хязгаарлалтыг хамааруулахгүй байж болно./


                     МОНГОЛ УЛСЫН ИХ ХУРЛЫН ДАРГА                                                                                                         С.ТӨМӨР-ОЧИР