- Нүүр
- Улсын Их Хурлын тогтоол
- МОНГОЛ УЛСАД 2005-2008 ОНД ОРУУЛЖ БОЛОХ ЦАГААЧ ГАДААДЫН ИРГЭДИЙН ТОО, БҮТЭЦ, БАЙРШЛЫН ТУХАЙ
УЛСЫН ИХ ХУРЛЫН ТОГТООЛ
2005 оны 05 сарын 05 өдөр
Дугаар 29
Төрийн ордон. Улаанбаатар хот
МОНГОЛ УЛСАД 2005-2008 ОНД ОРУУЛЖ БОЛОХ ЦАГААЧ ГАДААДЫН ИРГЭДИЙН ТОО, БҮТЭЦ, БАЙРШЛЫН ТУХАЙ
Гадаадын иргэний эрх зүйн байдлын тухай хуулийн 24 дүгээр зүйлийн 2 дахь хэсэгт заасныг үндэслэн Монгол Улсын Их Хурлаас ТОГТООХ нь:
1. Монгол Улсад 2005-2008 онд жил бүр оруулж болох цагаач гадаадын иргэдийн тоог 100-аас дээшгүй байхаар тогтоосугай.
2. Монгол Улсад 2005-2008 онд жил бүр оруулж болох цагаач гадаадын иргэдийн бүтцийг дор дурдсанаар тогтоосугай:
2.1. Оросын Холбооны Улсын харьяат иргэн 30-аас дээшгүй;
2.2. Бүгд Найрамдах Хятад Ард Улсын харьяат иргэн 30-аас дээшгүй;
2.3. бусад орны харьяат иргэн 40-өөс дээшгүй.
3. Монгол Улсад 2005-2008 онд жил бүр оруулж болох цагаач гадаадын иргэдийн байршлыг дор дурдсанаар тогтоосугай:
3.1. Улаанбаатар хотод 50-иас дээшгүй;
3.2. Дархан-Уул, Орхон, Сэлэнгэ аймагт тус тус 3-аас дээшгүй;
3.3. бусад аймагт 2-оос дээшгүй.
/Гэр бүлээрээ ирсэн цагаач гадаадын иргэдэд тэднийг хамт байршуулах үүднээс энэ тогтоолын 3.1, 3.2, 3.3-т заасан хязгаарлалтыг хамааруулахгүй байж болно./
МОНГОЛ УЛСЫН ИХ ХУРЛЫН ДЭД ДАРГА Д.ЛҮНДЭЭЖАНЦАН
Текст томруулах
A
A
A