УЛСЫН ИХ ХУРЛЫН ТОГТООЛ

2008 оны 05 сарын 29 өдөр

Дугаар 50

Төрийн ордон, Улаанбаатар хот

ОРОН ДАЯАР ГАШУУДАЛ ЗАРЛАХ ТУХАЙ

Монгол Улсын Их Хурлын тухай хуулийн 43.1 дэх хэсгийг үндэслэн Монгол Улсын Их Хурлаас ТОГТООХ нь:

1. 2008 оны 5 дугаар сарын 26, 27-ны өдрүүдэд болсон цаг агаарын аюултай үзэгдэлд Сүхбаатар, Хэнтий, Дорнод зэрэг аймгуудад олон хүн нэрвэгдэж харамсалтайгаар амь үрэгдсэнд эмгэнэн 2008 оны 5 дугаар сарын 31-ний өдрийн 09.00 цагаас мөн өдрийн 21.00 цаг хүртэлх хугацаанд орон даяар гашуудал зарласугай.

2.Гашуудлын үеийн дэгийг тогтоож хэрэгжүүлэхийг Засгийн газар /С.Баяр/-т даалгасугай.

3.Энэ тогтоолыг батлагдсан өдрөөс эхлэн дагаж мөрдсүгэй.

МОНГОЛ УЛСЫН ИХ ХУРЛЫН ДАРГА Д.ЛҮНДЭЭЖАНЦАН