Нүүр
Хүчингүй эрх зүйн акт 
Хүчингүй болгосон эрх зүйн акт
Хавсралт 
Сонсох / Сонгосон утга сонсох
Pdf
Word
Хэвлэх
МОНГОЛ УЛСЫН БОЛОВСРОЛ, СОЁЛ, ШИНЖЛЭХ УХААНЫ САЙДЫН ТУШААЛ
ШАЛГУУР ҮЗҮҮЛЭЛТ БАТЛАХ ТУХАЙ /Ерөнхий боловсролын сургууль, цэцэрлэгийн үйл ажиллагаанд хяналт-шинжилгээ хийж, үнэлгээ өгөх тоон болон чанарын шалгуур үзүүлэлт/
2003 оны 10 дугаар сарын 1-ний өдөр
Улаанбаатар хот
Дугаар 321
БСШУ-ны сайдын зөвлөлийн 2003 оны 6 дугаар сарын 19-ний өдрийн хуралдааны шийдвэрийг үндэслэн ТУШААХ нь:
1.Ерөнхий боловсролын сургууль, цэцэрлэгийн үйл ажиллагаанд хяналт-шинжилгээ хийж, үнэлгээ өгөх тоон болон чанарын шалгуур үзүүлэлтүүдийг хавсралтын ёсоор баталсугай.
2.Энэхүү шалгуур үзүүлэлтийн дагуу өөрийн байгууллагын үйл ажиллагаанд үнэлгээ өгч ажиллахыг өмчийн бүх хэлбэрийн ерөнхий боловсролын сургуулийн захирал, цэцэрлэгийн эрхлэгч нарт даалгасугай.
3. Ерөнхий боловсролын сургууль, цэцэрлэгийн үйл ажиллагаанд хяналт-шинжилгээ хийж, үнэлгээ өгөх шалгуур үзүүлэлтийг ашиглан хөндлөнгийн үнэлгээ өгч, жил бүрийн 1 дүгээр сард багтаан БСШУЯ-нд ирүүлж байхыг аймаг нийслэлийн Боловсрол, соёлын газрын дарга нарт үүрэг болгосугай.
4. Энэ тушаалын хэрэгжилтэд хяналт тавьж ажиллахыг Бага, дунд боловсролын бодлого, зохицуулалтын газар (Г.Батболд)-т даалгасугай.
5.Энэ тушаал гарсантай холбогдуулан "Сургуулийн ажлыг үнэлэх журам, заавар батлах тухай" Шинжлэх ухаан, боловсролын сайдын 1994 оны 187 дугаар, "Шалгуур үзүүлэлт батлах тухай" Гэгээрлийн сайдын 1999 оны 34 дүгээр тушаалыг тус тус хүчингүй болсонд тооцсугай.
САЙД А.ЦАНЖИД
2003 оны 11 дүгээр сарын 21-ний өдөр улсын бүртгэлийн 2336 дугаарт бүртгэсэн
БОЛОВСРОЛ, ШИНЖЛЭХ УХААНЫ САЙДЫН ТУШААЛ
2021 оны 12 дугаар сарын 03-ны өдөр
Дугаар А/417
Улаанбаатар хот
Тушаал хүчингүй болгох тухай
Монгол Улсын Засгийн газрын тухай хуулийн 24 дүгээр зүйлийн 2 дахь заалт, Захиргааны ерөнхий хуулийн 60 дугаар зүйл, 66 дугаар зүйлийн 66.8 дахь заалт, Засгийн газрын 2020 оны "Монгол Улсын Засгийн газрын 2020-2024 оны үйл ажиллагааны хөтөлбөр батлах тухай" 24 дүгээр тогтоолын хавсралтаар батлагдсан "Монгол Улсын Засгийн газрын 2020-2024 оны үйл ажиллагааны хөтөлбөр"-ийн 4.4.9, Боловсрол, шинжлэх ухааны сайдын "Салбарын захиргааны хэм хэмжээний актын талаар авах арга хэмжээний тухай" 2021 оны 11 дүгээр сарын 23-ны өдрийн А/404 дүгээр тушаалыг тус тус үндэслэн ТУШААХ НЬ:
1. Боловсролын салбарт мөрдөгдөж буй хавсралтад дурдсан захиргааны хэм хэмжээний актуудыг хүчингүй болсонд тооцсугай.
2. Тушаалын хэрэгжилтэд хяналт тавьж, улсын нэгдсэн бүртгэлээс хасуулж ажиллахыг Хууль, эрх зүйн хэлтэс /Б.Жавзанжаргал/-д даалгасугай.
САЙД Л.ЭНХ-АМГАЛАН
Боловсрол, шинжлэх ухааны сайдын 2021 оны 12 дугаар сарын 03-ны өдрийн А/417 тоот тушаалын хавсралт
БОЛОВСРОЛЫН САЛБАРТ МӨРДӨГДӨЖ БУЙ ХҮЧИНГҮЙ БОЛГОХ
Д/д | Захиргааны хэм хэмжээний актын нэр | Батлагдсан огноо | Тушаалын дугаар |
1 | "Журам батлах тухай" /Ерөнхий боловсролын сургуульд гүнзгийрүүлсэн болон мэргэжлийн сургалт зохион байгуулах үлгэрчилсэн журам/ | 2002.11.19 | А/333 |
2 | "Гадаад хэлээр сургалт явуулдаг цэцэрлэг, бага сургуульд суралцагчдад монгол хэлээр эзэмшвэл зохих дуу, шүлэг, ардын аман зохиолын жагсаалт" | 2003.03.21 | А/81 |
3 | "Шалгуур үзүүлэлт батлах тухай" | 2003.10.01 | А/321 |
4 | "Журам батлах тухай" /Ерөнхий боловсролын сургуулийн суралцагчийн анги алгасан суралцах хүсэлтийг шийдвэрлэх журам/ | 2008.12.08 | А/113 |
5 | "Дүрэм, журам батлах тухай" /ЕБС-ын багш, удирдах ажилтны ёс зүйн дүрэм/ | 2018.05.01 | А/243 |
6 | "Нийтлэг шаардлага батлах тухай" /Өдөр өнжүүлэх үйлчилгээ эрхлэхэд/ | 2020.03.27 | А/152 |
7 | "Журам шинэчлэн батлах тухай" /Монгол Улсын дээд боловсролын байгууллагад гадаадын иргэдийг суралцуулах журам/ | 2001.04.09 | А/113 |
8 | Дүрэм, журам батлах тухай /Магистр, докторын сургалт эрхлэхэд баримтлах нийтлэг журам, Магистрын зэрэг хамгаалуулах зөвлөлийн дүрэм/ | 2007.06.07 | А/187 |
9 | "Дүрэмд нэмэлт өөрчлөлт оруулах тухай" | 2007.09.10 | А/317 |
10 | "Журам, дүрэмд өөрчлөлт оруулах тухай" | 2007.12.04 | А/459 |
11 | Тушаалд нэмэлт, өөрчлөлт оруулах тухай" | 2010.11.04 | А/492 |
12 | Журам батлах тухай /Дээд боловсролын сургалтын байгууллагыг аттестатчилах журам, Дээд боловсролын сургалтын байгууллагын аттестатчиллын шалгуур үзүүлэлт, Дээд боловсролын сургалтын байгууллагыг аттестатчилсныг баталгаажуулах гэрчилгээний загвар/ | 2011.01.13 | А/09 |
--- оОо ---
ШАЛГУУР ҮЗҮҮЛЭЛТ БАТЛАХ ТУХАЙ /Ерөнхий боловсролын сургууль, цэцэрлэгийн үйл ажиллагаанд хяналт-шинжилгээ хийж, үнэлгээ өгөх тоон болон чанарын шалгуур үзүүлэлт/
2003 оны 10 дугаар сарын 1-ний өдөр
Улаанбаатар хот
Дугаар 321
БСШУ-ны сайдын зөвлөлийн 2003 оны 6 дугаар сарын 19-ний өдрийн хуралдааны шийдвэрийг үндэслэн ТУШААХ нь:
1.Ерөнхий боловсролын сургууль, цэцэрлэгийн үйл ажиллагаанд хяналт-шинжилгээ хийж, үнэлгээ өгөх тоон болон чанарын шалгуур үзүүлэлтүүдийг хавсралтын ёсоор баталсугай.
2.Энэхүү шалгуур үзүүлэлтийн дагуу өөрийн байгууллагын үйл ажиллагаанд үнэлгээ өгч ажиллахыг өмчийн бүх хэлбэрийн ерөнхий боловсролын сургуулийн захирал, цэцэрлэгийн эрхлэгч нарт даалгасугай.
3. Ерөнхий боловсролын сургууль, цэцэрлэгийн үйл ажиллагаанд хяналт-шинжилгээ хийж, үнэлгээ өгөх шалгуур үзүүлэлтийг ашиглан хөндлөнгийн үнэлгээ өгч, жил бүрийн 1 дүгээр сард багтаан БСШУЯ-нд ирүүлж байхыг аймаг нийслэлийн Боловсрол, соёлын газрын дарга нарт үүрэг болгосугай.
4. Энэ тушаалын хэрэгжилтэд хяналт тавьж ажиллахыг Бага, дунд боловсролын бодлого, зохицуулалтын газар (Г.Батболд)-т даалгасугай.
5.Энэ тушаал гарсантай холбогдуулан “Сургуулийн ажлыг үнэлэх журам, заавар батлах тухай” Шинжлэх ухаан, боловсролын сайдын 1994 оны 187 дугаар, “Шалгуур үзүүлэлт батлах тухай” Гэгээрлийн сайдын 1999 оны 34 дүгээр тушаалыг тус тус хүчингүй болсонд тооцсугай.
САЙД А.ЦАНЖИД
2003 оны 11 дүгээр сарын 21-ний өдөр улсын бүртгэлийн 2336 дугаарт бүртгэсэн
